صدع فاتح جسر بين الروح والجسد بتتاكل فيه المشاعر والاحساس بلنفس
صدع فتح مابين عالمين مختلفين غير متفقين
اغراب ع بعض مفيش غير العنصريه و الكراهيه الوحيده
ف مكان هناك بعيد معرفش هوا فين بلملم صدوع جرحى الى بتنزف مشاعر
حاسس انى جيت قبل كده هنا كتير بس مش عارف بردو انا فين
مستنى حد بس مش عارف مين
ببص ف الساعه الوقت مبيعديش مستنى بس مش عارف مستنى الموت مستنى الحياة مستنى دورى .....
ف بحر بس بعيد سامع صوت الموج بيضرب الصخر
اقرب اكتر اقرب اكتر شفق القمر مش مخلى الرويه واضحه
سامع سنفونيه بتعزف ع جرح مشعرى الى بتنزف من الصدع
الموج بخبط ف الصخر صوت الهوا بيخبط ف الامواج
مراكبيه بينادو ع بعض سنفونيه متقدرش تفهم منها حاجا غير انها بس بتلمس حاجا جواك بتنغزك
مش عارف ايه هى بس بتلمسك قربت اكتر دلواتى شايف احسن
القمر بايت ف حضن البحر عشق من نوع تانى متقدرش تفهمو ولا تعرفلو معالم
حب من نوع تانى ......
ومركب بسيط بيعارف ف وسط الموج مركب هش بس بيعافر مش مستسلم
قرر انو يا يعافر يا يموت وهو بيحاول ......
ليست هناك تعليقات:
إرسال تعليق